Dësen Event ass Deel vun enger Serie vun Initiativen, déi d'Gesondheetsberuffler iwwer déi digital Tools, déi schonn zu Lëtzebuerg operationell sinn, z‘informéieren. Wärend dëser Versammlung hunn d'Spriecher vun der Agence den elektronesche Gesondheetsdossier (Dossier de Soins Partagé - DSP), den elektroneschen Impfpass (Carnet de Vaccination Électronique - CVE), de Paiement Immediat Direct (PID) an den EHDS (European Health Data Space) virgestallt. Bei enger Froen-Äntwerten-Ronn hunn eis Experten sech Zäit geholl fir d'Froe vun de Participanten ze beäntwerten. Dës haten och d'Geleeënheet mat hinne bei engem Patt, deen den Owend ofgeschloss huet, ze schwätzen.

Wëllt Dir bei den nächsten Eventer vun der Agence eSanté dobäi sinn?
Kuckt eise Kalenner fir méi Detailer.